Жасыл қаржыландыру тетіктері Қазақстанның «жасыл» экономикасын дамыту факторы ретінде
«Жасыл» мемлекеттік сатып алуды, субсидиялауды және өзге де қаржы құралдарын қоса алғанда, «жасыл» экономиканы реттеу құралдарына байланысты мәселелер Халықаралық жасыл технологиялар және инвестициялық жобалар орталығы мен «EcoJer» өңірлік экологиялық бастамалар қауымдастығымен бірлесіп ұйымдастырған онлайн вебинар барысында қаралды.
Пікірталасқа Самұрық-Энерго, Қазақмыс, Kazenergy, Теңізшевройл, Жасыл Даму сияқты ең озық қолжетімді технологиялар қағидаттарына көшу бойынша міндеттемелерді қабылдайтын мемлекеттік органдардың 100-ден астам өкілдері, сондай-ақ үкіметтік және үкіметтік емес ұйымдардың өкілдері, қаржы ұйымдары, сарапшылар, өнеркәсіп өкілдері, сондай-ақ ЖКСБ қатысушы елдердің бірқатар өкілдері қатысты («Жасыл» көпір серіктестік бағдарламасы) және т.б.
Іс - шараның негізгі мақсаты - елімізде табиғи ортаның сапасын сақтауға, адамдардың әл-ауқатын арттыруға, олардың тыныс-тіршілігін жетілдіруге және жеке әлеуетін дамытуға бағытталған «жасыл» жобаларды жедел енгізуге жәрдемдесу.
Кездесудің модераторы «EcoJer» қазақстандық өңірлік бастамалар қауымдастығы экология департаментінің директоры Гүлжан Тұрсынова болды.
«Жасыл» технологиялар сервистік операторы департаментінің директоры Нұрай Сатимов іс-шараны аша отырып, көптеген елдердің экономикасында болып жатқан қаржыны көгалдандыру процестері өзінің қиындықтары қарамастан айқын және сөзсіз екенін атап өтті. Өзінің алғы сөзінде ол біздің еліміз қатысушылар арасында сенімді байланыс орнатуға бағытталған «Жасыл көпір» серіктестік бағдарламасының бастамашысы бола отырып, әлемдік климаттық күн тәртібіне бейілділігін көрсетеді деп атап өтті.
Айта кету керек, Қазақстан жүргізген және экономиканы көгалдандырудың бастапқы нүктесі болуға қабілетті бастамалардың бірі – бұл экологиялық және өнеркәсіптік саясат шеңберінде ең озық қолжетімді технологияларды (ОҚТ) енгізу, сондай-ақ ОҚТ негізінде мемлекеттік реттеу жүйесін жетілдіру. ОҚТ біртіндеп, 2025 жылға дейін, оның ішінде кешенді табиғат қорғау рұқсаттарын беру, өнеркәсіптік процестердің әсеріне бағалау жүргізу жөніндегі міндеттерді белгілеу, шығарындылар саласындағы ұлттық нормалар мен стандарттарды реформалау, сондай-ақ экономикалық ынталандырулар құру арқылы енгізілетін болады. Бұл туралы ОҚТ бюросының, «Халықаралық жасыл технологиялар және инвестициялық жобалар орталығы» КЕАҚ басшысы Бауыржан Әбенов айтып берді.
Спикердің айтуынша, кәсіпорындардың ОҚТ-ға көшуін ынталандыру үшін техникалық қайта жарақтандыруды, жаңғыртуды жүзеге асыру және ОҚТ талаптарына сәйкестігін қамтамасыз ету мақсатында елеулі қаржы ресурстарын жұмылдыру үшін мемлекеттік қолдау шаралары қажет.
Сонымен қатар, вебинар аясында «Экономикалық зерттеулер институты» АҚ Басқарма төрағасының орынбасары Қуаныш Бейсенғазин онлайн кездесуге қатысушылармен Қазақстан Республикасының 2060 жылға дейінгі көміртекті бейтараптыққа қол жеткізу стратегиясы мәселелерін талқылады. Өз сөзінде ол сондай-ақ өнеркәсіп пен ауыл шаруашылығын, көлікті декарбонизациялауға егжей-тегжейлі тоқталды.
Қазақстанның Даму Банкінің (ҚДБ) экологиялық саясатын ҚДБ экология жөніндегі маманы Ербұлан Белгібеков таныстырды.
Өз кезегінде, «EcoJer» өңірлік экологиялық бастамалар қауымдастығы, Интеграция және ынтымақтастық департаментінің бас сарапшысы, Алан Боқаев вебинар тыңдаушыларына кәсіпорындардың халықаралық қоғамдастықта, атап айтқанда, Еуропада, Қытайда және Ресейде таксономияны қолдануын айтып берді.
Спикердің айтуынша, «жасыл» жобаларға бекітілген жіктеу (таксономия) негізінде анықталған, қолданыстағы табиғи ресурстарды пайдалану тиімділігін арттыруға, қоршаған ортаға теріс әсер ету деңгейін төмендетуге, энергия тиімділігін, энергия үнемдеуді арттыруға, климаттың өзгеру салдарын жұмсартуға және климаттың өзгеруіне бейімделуге бағытталған жобалар жатады.
Кездесу соңында қатысушылар вебинарда қозғалған тақырыптардың нақты маңыздылығын атап өтіп, пікір алмасты және спикерлерден өздерін қызықтырған сұрақтарға толық жауап алды.