Алматы облысының Панфилов ауданында 100 МВт КЭС салу жобасы бойынша келісімге қол қойылды
2019 жылғы 14 қарашада «Халықаралық жасыл технологиялар және инвестициялық жобалар орталығы» КЕАҚ (ХЖТИЖО) алаңында «Алматы облысының Панфилов ауданында қуаты 100 МВт күн электр станциясын (СЭС) салу» жобасын іске асыру жөніндегі келісімге (бұдан әрі – Келісім) қол қойылды.
Келісімге Жоба серіктестері арасында: Алматы облысы Панфилов ауданының әкімдігі, «Хоргос Энерго» ЖШС, «Жасыл технологиялар республикалық компаниясы» ЖШС және «Sonnenenergie» АҚ (Чех Республикасы) қол қойылды.
- Бізде жылына 350 күнге жуық күн ауа райы бар, сондықтан мұндай жобаны іске асыру идеясы ақталған.Қазір экология мәселесі өзекті, ал біз жаңартылатын энергия көздері, бұл әрқашан қоршаған орта үшін жақсы екенін білеміз", - деді Алматы облысы Панфилов ауданының әкімі Талғат Өмірәлиев.
Ол сондай-ақ инвесторды іздеуді және идеяны жүзеге асыру тәсілдерін қамтамасыз ететін жасыл технологиялар мен инвестициялық жобалардың халықаралық орталығының үлесін атап өтті. СЭС құрылысының жобасы Алматы облысы Панфилов ауданы әкімдігінің және ХЖТИЖО белсенді бірлескен жұмысының нәтижесінде мүмкін болды. Жоба ағымдағы жылдың мамыр айында Қазақстан Республикасының Тұңғыш Президенті – Елбасының сапары кезінде ХЖТИЖО-мен таныстырылды, сондай-ақ Қазақстан Республикасының Премьер-Министріне оның өңірге жұмыс сапары барысында ұсынылды.
Жоба коммерциялық негізде жүзеге асырылады, жасыл инвестициясы 70 млн.еуроны құрайды. Жоба жаңа бизнес-модель бойынша іске асырылады деп болжануда, онда электр энергиясының құны өңірдің қазіргі нарықтық ұсыныстарынан арзан болады деп күтілуде.
Жобаны іске асыру «жасыл» электр энергиясы өндірісінің өсуін қамтамасыз етеді және электр энергиясына, оның ішінде «Хоргос-Шығыс қақпасы» АЭА есебінен сұраныстың жыл сайын артуы байқалатын аймақтың энергия тапшылығының азаюына ықпал етеді.
«Жасыл» технологияларды қолдану және жаңартылатын энергия көздері саласын дамыту жөніндегі жобаларды іске асыру бойынша ХЖТИЖО Қазақстан өңірлерімен бірлесіп, жұмысты жалғастырады.
IGTIC баспасөз қызметі e-mail: pr@igtipc.org Марат Мұхамедсалиев +7 7172 793225