Шэньчжэнь, 2025 ж. 13 мамыр
Келісімде құрылысқа және карьерлік жұмыстарға арналған ауыр электр техниканы жеткізу және Қазақстанда бірлескен кәсіпорын құру көзделген.
Жоба құрылыс саласын жаңғыртуға, шығарындыларды азайтуға және техниканы басқаруда цифрлық шешімдерді енгізуге бағытталған.
Бұл уағдаластықтарға ХЖТИЖО мен Қытай Үлкен шығанағы аймағының импорт және экспорт қауымдастығы (GBAIEA) арасындағы стратегиялық келісімге қол қою арқылы қол жеткізілді. Серіктестік жасыл технологияларды дамытуға, қазақстандық жобаларды Қытай нарығында ілгерілетуге және Оңтүстік Қытайдың өндірушілерімен, экспорттаушыларымен және инвесторларымен берік байланыс орнатуға бағытталған.
Сонымен қатар, «Бір белдеу, бір жол» экологиялық технологияларды беру орталығы (BRETTC) мен ХЖТИЖО арасында ынтымақтастық туралы келісімге қол қойылды. Құжатта жасыл технологиялар саласындағы бірлескен жобаларды дамыту, стартаптарды қолдау, тұрақты урбанистік жоспарлау, шығарындылар мониторингі және қалдықтарды басқару салаларындағы тәжірибе алмасулар көзделген.
Ең маңыздысы, бұл ынтымақтастық – Қазақстанда халықаралық стандарттар мен технологиялық трансформацияны енгізу бойынша ХЖТИЖО-ның стратегиялық міндеттерімен тікелей байланысты.
Үш келісім де Қазақстан мен Қытай арасындағы тұрақты даму саласындағы іс жүзіндегі өзара іс-қимылдарға қызығушылықтың артып отырғанын көрсетеді. Тараптар диалогты жалғастыруға, бірлескен бастамаларды дамытуға және Қазақстанның инфрақұрылымына экологиялық және цифрлық шешімдерді енгізуге деген өз ниеттерін растады. Қол қойылған құжаттар – халықаралық серіктестікті нығайту және жасыл күн тәртібін кеңейту жолындағы маңызды қадам.
