Кездесу “алауды жағу және метанды қайта өңдеу жөніндегі Жаһандық серіктестік” (Global Flaring and Methane Reduction Partnership) бағдарламасы шеңберінде World Bank тарапынан қаржылық қолдау мүмкіндіктерін талқылау мақсатында ұйымдастырылды. Қазіргі уақытта Қазақстан қажетті құжаттарды дайындау және Дүниежүзілік Банктің Траст қорынан қаржыландыруға өтінім беру бойынша белсенді жұмыс істеуде.

Айта кету керек, Қазақстанда метан шығарындыларын азайту жөніндегі жаһандық бастама (ГИМ) шеңберінде қабылданған міндеттемелерді ескере отырып, Қазақстан Республикасының Экология және табиғи ресурстар министрлігі экономиканың түрлі салаларындағы метан шығарындыларын азайту жөніндегі іс-қимылдың Стратегиялық жоспарын білдіретін жол картасын әзірледі. Жол картасы әдістемелік және институционалдық бөліктерді қамтитын іс-шаралардың кең спектрін, сондай-ақ мұнай-газ, көмір, ауыл шаруашылығы салаларындағы және қалдықтарды басқарудағы ірі жобаларды қамтиды.

Халықаралық энергетикалық агенттіктің бағалауы бойынша 2022 жылы антропогендік метанның жалпы әлемдік шығарындылары 356 млн тоннаны құрады (ауыл шаруашылығы шығарындылардың негізгі көзі – 141 млн тонна).

2022 жылы дүние жүзіндегі энергетика секторы 135 миллион тоннаға жуық метан шығарындыларына жауап береді (адам әрекетіне байланысты жалпы метан шығарындыларының шамамен 40%).

Мұнай және табиғи газ өндіретін кәсіпорындар шамамен 78,3 миллион тонна шығарындыларды және соңғы жабдықтардан 5 миллион тоннаға жуық ағып кетуді құрайды. Шамамен 10 миллион тонна шығарындылар биоэнергияның толық емес жануына, негізінен биомассаны дәстүрлі пайдалану есебінен келеді. Көмір секторына 41,8 млн тонна келеді.

Дидар Нұрлыбекұлы, ҚР ЭБЖМ және “ХЖТИЖО” КЕАҚ атынан World Bank-пен ынтымақтастық Жаһандық экологиялық мақсаттарға қол жеткізуге ықпал ете отырып, метан шығарындыларын азайту жөніндегі өршіл жоспарларды іске асыруға мүмкіндік беретініне сенім білдірді.