2025 жылғы сәуір айында Атырау облысында ҚР Парламенті Сенатының аграрлық мәселелер жөніндегі комитетінің көшпелі отырысы өтті. Отырысқа мемлекеттік органдар мен өңірлік кәсіпорындардың өкілдері қатысты.

Талқылаудың негізгі тақырыбы — өнеркәсіптік кәсіпорындардың қолжетімді ең озық технологиялар (НДТ) қағидаттарына көшуі болды. Қазіргі таңда Қазақстанда бірінші санаттағы 83 кәсіпорынға арналған НДТ анықтамалықтары әзірленген. Алайда олардың тек 7-еуі ғана кешенді технологиялық аудиттен (КТА) өткен. Осыған байланысты МЦЗТИП қалған кәсіпорындарда КТА жүргізу бойынша жұмыстарды бастап кетті. Бұл олардың экологиялық талаптарға сәйкестігін қамтамасыз етуге және ең озық технологияларға көшуді жеделдетуге бағытталған.

Кездесу аясында «Халықаралық жасыл технологиялар және инвестициялық жобалар орталығы» КЕАҚ Басқарма Төрағасының міндетін атқарушы Сәкен Калқаманов Сенат комитеті мен Экология министрлігінің өкілдерімен бірге Атырау облысындағы бірқатар нысандарды, соның ішінде мұнай өңдеу зауыты мен бекіре зауытын аралады. Табиғи ресурстар және экологиялық бақылау комитетімен бірге экологиялық реттеу және НДТ қағидаттарына көшу мәселелері талқыланды.

МЦЗТИП НДТ қағидаттарын ілгерілету, кәсіпорындарға әдістемелік қолдау көрсету және Қазақстанда «жасыл» экономиканы дамыту жолындағы жұмысын жалғастырады.