Халықаралық жасыл технологиялар және инвестициялық жобалар орталығы (ХЖТИЖО) мен SkyBridge Invest инвестициялық компаниясының өкілдері арасында жұмыс кездесуі өтті.

Келіссөздердің негізгі тақырыбы – тұрақты қаржыландыруды дамыту және “жасыл” экономикаға бағытталған жобаларға инвестициялар тарту. Жаңартылатын энергия көздері саласындағы бастамаларды қолдау, экологиялық инфрақұрылым салу және Қазақстанда және Орталық Азия елдерінде ESG-жобалар мен климаттық шешімдер үшін тиімді қаржы құралдарын құру – басты назарда.

Тараптар жаңа экономиканың іргетасын қазірдің өзінде қалыптастырып жатқан  технологияларға – активтерді токенизациялау, көміртегі бірліктерін цифрландыру және көміртегі шаруашылығын дамыту сияқты перспективалы бағыттарға ерекше назар аударды.

Кездесу қорытындысы бойынша қатысушылар стратегиялық әріптестікке өзара мүдделілігін растады және ХЖТИЖО мен SkyBridge Invest-тің өзара күш-жігерлерін біріктіруі ұлттық және өңірлік деңгейлерде тұрақты дамуды ілгерілетуге және климаттық бастамаларды қолдауға маңызды үлес қосатынын атап өтті.

ХЖТИЖО Қазақстанның экологиялық технологиялар және тұрақты қаржыландыру саласындағы көшбасшы ретіндегі ұстанымын нығайта отырып, “жасыл” инвестицияларды тарту үшін платформа қалыптастыруды жалғастырып отыр.