ҚР Экология және табиғи ресурстар министрлігінде Қазақстан Республикасындағы қалдықтардың барлық түрлерін басқару тұжырымдамасының жобасын талқылауға арналған Қоғамдық кеңестің отырысы өтті.

Іс-шараға ҚР Экология және табиғи ресурстар министрі Ерлан Нысанбаев, вице-министр Жомарт Әлиев, ЭТРМ департаменттерінің басшылары, «Жасыл даму» АҚ, «Халықаралық жасыл технологиялар және инвестициялық жобалар орталығы» КеАҚ (ХЖТИЖО) өкілдері, сондай-ақ Қоғамдық кеңес мүшелері қатысты. Отырыстың модераторы «Kazecotech НТП» ЖШС директоры В.И. Андреев болды.

Тұжырымдама жобасының бас ғылыми кеңесшісі Сергей Кожевников құжаттың негізгі ережелерін ұсынды. Талқылауға Қоғамдық кеңестің мүшелері Честных Р.С. пен Мұстафина Е.В. да қатысты, олар толық түсініктеме берді.

Кездесу барысында қазіргі таңда саланың алдында тұрған негізгі мәселелер қозғалды: қалдықтардың әртүрлі түрлеріне (өндірістік, тұрмыстық, медициналық және ауыл шаруашылығы) бірыңғай көзқарастың болмауы, қайта өңдеудің төмен деңгейі, шынайы статистика мен кадастрлардың жетіспеушілігі, сондай-ақ цифрландыру және экологиялық жауапты бизнесті экономикалық ынталандыру қажеттілігі.

Қалдықтармен жұмыс істеудің қолданыстағы моделін өзгертудің және айналымды экономикаға көшудің маңыздылығына ерекше назар аударылды. ХЖТИЖО өкілдері: «Бүгінгі таңда қалдықтар тек сын-қатер ғана емес, сонымен қатар жүйелі жұмысты, заманауи инфрақұрылымды және нақты саясатты талап ететін ресурс», – деп атап өтті.

Әзірленіп жатқан Тұжырымдама экологиялық жүктемені азайтуға, тұйық цикл экономикасын дамытуға және халықтың өмір сүру сапасын жақсартуға бағытталған қалдықтармен жұмыс істеу саласындағы жаңа мемлекеттік саясат үшін негіз болады.

Концепция АО “Bank RBK” қолдауымен әзірленді.

Қоғамдық кеңес қатысушыларына 2025 жылғы 22 тамызға дейін сағат 18:00-ге дейін модераторға өздерінің жазбаша түсініктемелері мен ұсыныстарын жолдау ұсынылды. Құжаттың түпкілікті нұсқасы одан әрі қарау және бекіту үшін уәкілетті органдарға жіберілетін болады.