Digital Almaty форумы аясында «Халықаралық жасыл технологиялар және инвестициялық жобалар орталығы» КЕАҚ басқарма төрағасының орынбасары Дидар Нұрлыбекұлы Қарымсақовтың қатысуымен панельдік сессия өтті. Дидар Қарымсақов кейстерімен бөлісті, оның ішінде қаржы мекемелеріне қолжетімді климаттық және экологиялық тәуекелдерді бағалауға арналған онлайн-құрал жасау туралы атап өтті.

Талқылаудың негізгі тұстарының бірі қаржы мекемелеріне климаттық және экологиялық тәуекелдерді бағалау үшін цифрлық құралға қолжетімділікті ұсыну жоспары болды. Бұл бағыт байланысты қаржылық салдарларды тереңірек түсінуге ықпал етіп қана қоймай, қаржы секторындағы ашықтық пен хабардарлықты да арттырады.

Климаттық және экологиялық тәуекелдерді белсенді басқаратын қаржы мекемелері инвесторлар, әсіресе тұрақты инвестицияларға бағдарланғандар тарапынан көбірек назар аудара алады. Бұл тәсіл жаңа капиталды тарту және ұзақ мерзімді орнықтылықты нығайту үшін драйвер болуы мүмкін.

Орталық сондай-ақ парниктік газдар шығарындыларын қайта есептеудің оңайлатылған коэффициенттерін әзірлеуді қолдайды, бұл осы шығарындылар бойынша есептілікке қойылатын стандартты талаптарға жатпайтын қаржы ұйымдары үшін әсіресе пайдалы болады.

Анықтама үшін: 2024 жылғы 1-3 ақпан аралығында сандық трансформацияның негізгі мәселелерін, сандық технологиялар саласындағы жаңа стратегиялар мен басты трендтерді талқылау үшін спикерлер ретінде 15 елден 200-ден астам жетекші әлемдік сарапшыларды жинаған Digital Almaty халықаралық сандық форумы өтті. Форум, әдеттегідей, цифрлық арена саласындағы зияткерлік тәжірибе мен идеялар алмасудың эпицентріне айналады.