Чехияның энергетикалық жетекшілерімен инновациялық ынтымақтастық
2024 жылғы 13 ақпанда «Халықаралық жасыл технологиялар және инвестициялық жобалар орталығы» КЕАҚ қабырғасында Чехиядағы энергетикалық инновациялар саласындағы танымал көшбасшы «ORGREZ» компаниялар тобының өкілдерімен кездесу өтті.
Кездесуд мақсаты – Орталыққа энергетика саласын ұсынатын отандық кәсіпорындарға ресурстарды пайдалану және озық технологиялық және тазарту жабдықтарын өндірушілермен ынтымақтастық орнату мүмкіндігін беру.
Кездесу барысында тараптар өзара тиімді ынтымақтастық әлеуетін талқылап, тұрақты энергетика саласындағы озық шешімдерді енгізуге, сондай-ақ энергетика және жылу өнеркәсібіне қызмет көрсету мен жабдықтауды ұсынуға бағытталған стратегияларды әзірледі. Чехиялық кәсіпорындарда жаңа технологияларды енгізудің табысты тәжірибесі аталмыш технологияларды Қазақстандағы кәсіпорындарда қолданудың әлеуетін растайтынын атап өту маңызды. Бұл бастамалар осы саладағы еуропалық стандарттарға қол жеткізуге мүмкіндік береді.
«Халықаралық жасыл технологиялар және инвестициялық жобалар орталығы» КЕАҚ ұжымы «ORGREZ» компаниялар тобының өкілдеріне экологиялық тұрақтылықты жақсартуға және энергетика саласындағы тиімділікті арттыруға бағытталған жобаларда бірлесіп жұмыс істеуге қызығушылық танытқаны үшін үлкен алғыс білдіреді. Екі тарап та осы жемісті диалогты жалғастырып, инновациялық жасыл технологияларды бірлесе дамытуға ниетті.
Бұл кездесу тұрақты энергетика саласындағы халықаралық ынтымақтастықты нығайтудағы негізгі қадам және инновациялар мен серіктестік арқылы тұрақты болашақты құруға деген талпынысты көрсетеді.
