Алматыда өткен жыл сайынғы SWITCH-Asia конференциясы: «Тұрақты дамудың стратегиялары мен инновациялары»
Алматыда өткен жыл сайынғы SWITCH-Asia конференциясы:
«Тұрақты дамудың стратегиялары мен инновациялары»
2024 жылғы 20-21 мамырда Алматыда SWITCH-Asia, оның ішінде бағдарламаны басқару комитетінің отырысы, ЕО делегацияларымен ішкі кездесулері, SWITCH-Asia гранттық жобаларының кездесуі және жыл сайынғы конференцияны қоса алғанда6-шы жыл сайынғы кездесуі өтті.
Іс-шараны өткізудегі мақсат:
- тұрақты өндіріс пен тұтынуды (ТӨТ) және айналмалы экономика тәжірибесін, оның ішінде қолданыстағы өңірлік білім орталықтарын, мақсатты коммуникациялық күш-жігерді және негізгі мүдделі тараптарды тартуды дамыту және енгізу бойынша идеялар мен пікір алмасу.
- инновациялық SCP шешімдерін бірлесіп құруға және гранттық жобалар мен консалтингтік жобалар бойынша өзара оқытуға жәрдемдесу.
- SWITCH-Asia саясатын қолдауда болашақ техникалық көмек көрсету идеяларын әзірлеуге үлес қосу.
Еуропалық Одақ қаржыландыратын, SWITCH-Asia бағдарламасы Азиядағы жасыл технологиялар мен тұрақты өнеркәсіптік тәжірибелерді ілгерілетудің негізгі құралы болып табылады және саясатты қолдау жүйесі (PSC) мен гранттар схемасын қоса алғанда, бірнеше негізгі құрамдастарды қамтиды. Осылайша, бағдарлама іске қосылғаннан бері 143 жоба қаржыландырылды, гранттың орташа мөлшері шамамен 1,7 миллион еуроны құрады. Бұл жобалар кең ауқымды секторларды қамтиды, соның ішінде:
• Өнеркәсіптік кәсіпорындар мен тұрғын үйлердегі энергия тиімділігі;
• Агроазық-түлік және балық шаруашылығы секторларын дамыту;
• Тоқыма өнеркәсібіндегі жобалар;
• Туристік бастамалар;
• Логистика және жүк тасымалдау жобалары;
Сонымен қатар, биылғы жылы Халықаралық жасыл технологиялар және инвестициялық жобалар орталығының Басқарма Төрағасы Дидар Қарымсақовтың Қазақстандағы SWITCH-Asia бағдарламасын жүзеге асыру жөніндегі ұлттық үйлестірушісі болып тағайындалғанын ерекше атап өткіміз келеді.
«Құрметті SWITCH-Asia алтыншы конференциясының қатысушылары мен қонақтары, мен сіздерді әсем қала Алматыда, Азия аймағының экологиялық дамуына арналған осы айтулы шарада қарсы алып отырғаныма қуаныштымын. Осы іс-шараға көптеген елдердің өкілдерінің қатысуы экологиялық тұрақтылық пен әлеуметтік жауапкершіліктің стратегиялық мәселелеріне ортақ қызығушылықты көрсетіп қана қоймайды, сонымен қатар белсенді тәжірибе мен идеялар алмасуға дайын екеніңізді растайды. Осы конференция барысында барлығына нәтижелі талқылаулар, шабыттандыратын идеялар мен жемісті ынтымақтастық тілеймін. Экономиканың өркендеуіне ғана емес, әр адамның өмір сүру сапасын жақсартуға ықпал ететін болашақты бірге құрайық», - деді Дидар Нұрлыбекұлы өзінің құттықтау сөзінде.
Конференцияның негізгі тақырыптары экологиялық тұрақтылық, энергия тиімділігі, қалдықтарды басқару, бизнестің әлеуметтік жауапкершілігі, жасыл технологиялардағы инновациялар және т.б. болды. Түрлі секторлардың сарапшылары өз тәжірибелерімен және жетістіктерімен бөлісіп, тұрақты даму мақсаттарына қол жеткізуге ықпал ететін озық тәжірибелермен таныстырды.
Конференцияда талқыланған негізгі мәселелер:
- Өнеркәсіпте экологиялық таза технологиялар мен инновацияларды ілгерілету;
- Тұрақты тұтыну мен өндірістің маңыздылығы туралы хабардар ету;
- Тұрақты даму тәжірибесін енгізуде шағын және орта кәсіпкерлікті қолдау;
- Қоршаған ортаны қорғау және тұрақты даму саласындағы аймақтық ынтымақтастықты дамыту;
Конференция сонымен қатар тұрақты дамудың түрлі аспектілері бойынша пленарлық отырыстарды, параллельді сессияларды және дөңгелек үстелдерді қамтыды. Талқылаудың маңызды тақырыптары:
- Өнеркәсіпте энергия тиімділігін арттыру және парниктік газдар шығарындыларын азайту;
- Қалдықтарды азайту және ресурстарды қайта пайдалану үшін айналмалы экономикалық принциптерді енгізу;
- Тұтынушылар мен бизнес-қоғамдастық арасында экологиялық жауапты тұтыну мен өндірісті қолдау;
- Тұрақты дамуға жәрдемдесудегі мемлекеттік және үкіметтік емес ұйымдардың рөлі;
Алматыда өткен алтыншы SWITCH-Asia конференциясы тұрақты даму саласындағы ынтымақтастықты нығайтуға ықпал ететін маңызды оқиға болды. Ол негізгі сын-қатерлер мен мүмкіндіктерді баса көрсете отырып, барша қатысушыларды Азия аймағында тұрақты болашаққа қол жеткізу үшін алдағы қиындықтарды еңсеруге және одан әрі күш-жігерді жұмылдыруға жігерлендірді.