Басты бет
Қазақстанда "Readiness" жобасы елді ЖКҚ-дан қаржылық қолдау алуға дайындау мақсатында белсенді іске асырылуда. Бағдарламаны іске асыруды жүзеге асыратын ұлттық әріптес "Халықаралық жасыл технологиялар және инвестициялық жобалар орталығы" КЕАҚ, Қазақстан Республикасы Экология және табиғи ресурстар министрлігінің ведомстволық бағынысты ұйымы болып табылады.
ЖКҚ ТУРАЛЫ:
Жасыл климат қоры (ЖКҚ) - климаттың өзгеруіне қарсы күресте және оған бейімделуде елдерді қолдаудың негізгі қаржылық тетігі. 2010 жылы БҰҰ-ның Климаттың өзгеруі туралы негіздемелік конвенциясымен (БҰҰ РКИК) құрылған қор парниктік газдар шығарындыларын азайту, климаттық өзгерістерге бейімделу және тұрақты даму жобаларын қаржыландырады.
ЖКҚ төрт ауқымды бағытқа инвестиция салады:
- жасанды орта (антропогендік орта),
- энергетика және өнеркәсіп,
- адам қауіпсіздігі
- жерді пайдалану.
Қор төрт жақты тәсілді жүзеге асырады:
1. Жоспарлау және бағдарламалау: Бейімделу мен тұрақтылықтың пайдасын арттыру стратегияларын құру.
2. Климаттағы инновация: Тәсілдерді жақсарту үшін жаңа технологиялар мен тәжірибелерге инвестиция салу.
3. Қаржыландыруды жұмылдыру: Тұрақты даму және бейімделу үшін жеке инвестицияларды тарту.
4. Климаттық тәуекелдерді есепке алу: Инвестициялық шешімдерге климаттық тәуекелдерді ескеретін тәжірибелерді енгізу.
Қаржыландыруға қол жеткізу:
ЖКҚ қаржыландыру халықаралық және ұлттық ұйымдарды қоса алғанда, аккредиттелген ұйымдарға қолжетімді.
Осыған байланысты ЖКҚ ұлттық мекемелердің ЖКҚ-мен тиімді өзара іс-қимыл жасау мүмкіндіктерін кеңейтуге бағытталған "Readiness" дайындық бағдарламасын әзірледі. Бағдарламаның мақсаты елдердің климат саласындағы әлеуетін нығайту, қажетті институционалдық тетіктерді дамыту және ЖКҚ қаражатына тікелей қол жеткізу үшін қолайлы жағдайлар жасау болып табылады.