Жасыл технологиялар департаменті

GCIP бағдарламасының жартылай финалистерінің, финалистері мен жеңімпаздарының өтінімдерінің санын бекіту тәртібін айқындайтын тиісті актінің жоқтығына байланысты, бағалау нәтижелерін талқылау барысында қазылар алқасына Қоғам алдын ала жоспарлаған және әлеуметтік желілерде мәлімдеген 10 адамның орнына финалистер санын 12 адамға дейін арттыру ұсынылды, адам саны арттырылды. Мұндай жағдайлар тек бедел тәуекелін туындатып қана қоймай, сыбайлас жемқорлық құқық бұзушылықтар жасауға да жағдай жасайды.

Ең үздік қолжетімді техникалар бюросы

Қоғамның кәсіпкерлік қызметінің субъектілері болып табылмайтын жеке тұлғалардың өтеулі қызмет көрсету шарттарын іріктеу, дайындау, жасасу және орындау жөніндегі қағидаларды талдау сыбайлас жемқорлық құқық бұзушылықтар жасауға ықпал ететін жағдайлардың бар екенін көрсетті.

Мәселен, Қағидалардың 11-тармағында, қызметтерді әлеуетті орындаушыларды бағалау бойынша әңгімелесу жүргізу процесінде қызметкерлердің, шарт бастамашыларының іс-әрекеттерінде қызметтерді әлеуетті орындаушыларды іріктеу кезінде ауқымды дискрециялық өкілеттіктер байқалады.

Жобаларды басқару департаменті

Комплаенс қызметі туралы ереженің 21-тармағының 4) тармақшасына сәйкес және Қоғамның құрылымдық бөлімшелерінен келіп түсетін сұрау салулар негізінде Қызмет ҚР порталдарынан алынған деректер бойынша контрагенттердің сенімділігін тексереді.

Сонымен қатар, ҚР шегінен тыс жұмыс істейтін халықаралық консультанттарға қатысты тексеру жүргізу туралы сұрау салулар келіп түскен кезде, Қоғамда олардың сенімділігіне толық талдау жасау үшін қажетті құралдар мен тетіктердің (ақпараттық жүйелердің) жоқтығына байланысты тексеру жүргізуге мүмкіндік болған жоқ.  Осы факт сыбайлас жемқорлық құқық бұзушылықтар жасауға ықпал ететін себептер мен жағдайлардың туындауына мүмкіндік туғызады.

Астана қаласының сыбайлас жемқорлық тәуекелдерінің картасы

«Халықаралық жасыл технологиялар және инвестициялық жобалар орталығы» КЕАҚ

Заң және әкімшілік жұмыс департаменті

«Халықаралық жасыл технологиялар және инвестициялық жобалар орталығы» КЕАҚ Басқармасының 2024 жылғы 19 шілдедегі шешімімен бекітілген Персоналды басқару жөніндегі жұмыс регламентінің (бұдан әрі – Регламент) 162-тармағында Қазақстан Республикасының аумағындағы эпидемиологиялық жағдайды негізге ала отырып, жұмыс берушінің актісімен жұмыс процесінде ақпараттық-коммуникациялық технологияларды (қашықтан жұмыс істеу) қолдана отырып, жұмыс беруші орналасқан жерден тыс еңбек процесін жүзеге асырудың ерекше нысаны енгізілуі мүмкін деп көрсетілген.

Сонымен қатар, талдау барысында Басқарма Төрағасының бұйрықтарымен талдау жасалып отырған кезеңде эпидемиологиялық жағдаймен байланысты емес себептер бойынша Қоғам қызметкерлері қашықтан жұмыс істеуге жіберілгені анықталды.

Персоналды басқару жөніндегі жұмыс регламентінің 10-тармағының 2) тармақшасына сәйкес Қоғамның ұйымдық құрылымын қайта қарау үшін Қоғамның Даму жоспары да негіз болып табылады.

Өз кезегінде, Регламенттің 10-тармағы 2) тармақшасының ағымдағы редакциясы – қолданушыға осы норманы түсіндірудің ыңғайлы тәсілін таңдауға мүмкіндік береді, қолданушы үшін Қоғамның ұйымдық құрылымын «қолайлы» етуге байланысты сыбайлас жемқорлық құқық бұзушылықтар жасауға ықпал ететін себептер мен жағдайлардың туындауына мүмкіндік туғызады.

Қоғам қызметкерлеріне еңбекақы төлеу, сыйлықақы беру және әлеуметтік қолдау қағидаларының 17-тармағына сәйкес Қоғамның штат кестесі Қағидаларға 1-қосымшаға сәйкес әзірленеді және Қоғам Басқармасы лауазымдар тізілімі мен Қоғамның лауазымдық жалақыларының схемасы негізінде бекітеді.

Бұл ретте Регламенттің 12-тармағына сәйкес штат кестесі осы Регламенттің 2-қосымшасына сәйкес нысан бойынша ҚБ-ның атауын, лауазымдардың атауын, штат бірліктерінің саны туралы мәліметтерді қамтиды.

Осылайша, штат кестесін бекіту мәселесі Қоғамның екі ішкі нормативтік құжаты шеңберінде регламенттеледі. Бұл ретте, көрсетілген құжаттардағы Қоғамның штаттық кестесі нысандарының мазмұны мағынасы жағынан әртүрлі екенін назарға алған жөн.

Бұл жағдайда жоғарыда көрсетілген Қоғамның ішкі нормативтік құжаттары арасында қайшылықтың бар екені атап көрсетіледі, бұл өз кезегінде қолданылу процесін қиындатады және қарым-қатынасқа қатысушылардың біріне тиімді нормаларды қолдануға мүмкіндік береді, бұл сыбайлас жемқорлық құқық бұзушылықтарын жасау ықтималдығын едәуір арттырады.